డయాబెటిస్ ఎందుకు వస్తుంది? దీని నుంచి తప్పించుకోవడం ఎలా?

డయాబెటిస్ - లక్షణాలు, రకాలు, కారణాలు, ప్రమాద కారకాలు, సమస్యలు, రోగ నిర్ధారణ & చికిత్స

ప్రపంచ ఆరోగ్య సంస్థ అంచనాల ప్రకారం, మధుమేహం (డయాబెటీస్) ఇప్పుడు ప్రపంచవ్యాప్తంగా ఒక ప్రధాన ఆరోగ్య సమస్యగా మారింది. ప్రపంచంలోనే 7.7 కోట్ల మంది మధుమేహ రోగులతో భారతదేశం రెండో స్థానంలో ఉందంటే ఈ వ్యాధి ప్రభావం ఏ మేర వ్యాపించి ఉందో అర్ధం చేసుకోవచ్చు. ఇది మన జీవనశైలిని పూర్తిగా మార్చేస్తుంది.ఇండియా ఈ వ్యాధికి కేంద్రబిందువుగా మారింది. ప్రస్తుతం 4%-5% మంది ప్రజలు ఈ వ్యాధితో బాధపడుతుండగా, 2025 నాటికి ఈ సంఖ్య 10%కి చేరవచ్చని అంచనా. ఈ వ్యాధి గురించి అవగాహన పెంచుకోవడం, జాగ్రత్తలు తీసుకోవడం చాలా అవసరం.

మధుమేహం అంటే ఏమిటి?

మధుమేహం అనేది రక్తంలో షుగర్ స్థాయి అదుపు తప్పి అసాధారణ స్థితికి చేరినప్పుడు కలిగే వ్యాధి. దీన్ని డయాబెటీస్ లేదా షుగర్ వ్యాధి అంటారు. ఇది బయటకు కనిపించని ప్రాణాంతక వ్యాధి. ఈ వ్యాధిని నియంత్రించకపోతే, క్రమంగా మన శరీరంలోని ముఖ్యమైన అంగాలు తమ సామర్థ్యాన్ని కోల్పోతాయి. గుండె, మెదడు, కళ్లు, మూత్రపిండాలు, పాదాలు, నాడులు వంటి అవయవాలు షుగర్ వ్యాధి ప్రభావానికి గురవుతాయి.

మధుమేహం ఎందుకు వస్తుంది?

మధుమేహం రావడానికి ప్రధాన కారణం శరీరంలో ఇన్సులిన్ అనే హార్మోన్ సరిపడా ఉత్పత్తి కాకపోవడం లేదా దాని ప్రభావం తగ్గిపోవడం. ఇన్సులిన్ అనేది క్లోమగ్రంధి (ప్యాంక్రియాస్) నుండి ఉత్పత్తి అవుతుంది, ఇది రక్తంలోని షుగర్‌ను శరీర కణాలకు అందజేస్తుంది. ఇన్సులిన్ ఉత్పత్తి ఆగిపోతే లేదా తగినంతగా ఉత్పత్తి కాకపోతే, రక్తంలో చెక్కెర స్థాయి పెరుగుతుంది. దీనివల్ల శరీరానికి అవసరమైన శక్తి అందదు, మరియు రక్తంలో గ్లూకోజ్ స్థాయి అస్థిరంగా మారుతుంది.ఇది మూత్రపిండాల ద్వారా అదనపు మూత్రం రావడానికి దారితీస్తుంది.మూత్రంలో గ్లూకోజ్ ఉనికిని బట్టి డయాబెటిస్‌ అనేది రెండు రకాలుగా వర్గీకరించబడింది.

డయాబెటిస్ రకాలు

పైన చెప్పినట్లుగా, మూత్రంలో గ్లూకోజ్ ఉనికిని బట్టి, ఇవి రెండు రకాలుగా వర్గీకరించబడ్డాయి:

•      1. డయాబెటిస్ మెల్లిటస్

 2 . డయాబెటిస్ ఇన్సిపిడస్

డయాబెటిస్ మెల్లిటస్

డయాబెటిస్ మెల్లిటస్ అనేది హైపర్గ్లైసీమియా (రక్తంలో చక్కెర స్థాయిలు పెరగడం) ద్వారా వర్గీకరించబడిన జీవక్రియ రుగ్మతల సమితి. శరీరంలో ఇన్సులిన్ స్రావం తగ్గడం,బలహీనమైన గ్లూకోజ్ వినియోగం మరియు గ్లూకోజ్ ఉత్పత్తి పెరగడం వల్ల హైపర్గ్లైసీమియా సంభవిస్తుంది, ఇవన్నీ డయాబెటిస్ మెల్లిటస్‌కు మూలకారకాలు. జన్యు మరియు పర్యావరణ కారకాలు కూడా వివిధ డయాబెటిస్ మెల్లిటస్ రూపాలకు కారణమవుతాయి

1. టైపు 1 డయాబెటీస్

ఈ రకం ఇన్సులిన్ డిపెండెంట్ డయాబెటీస్ (Insulin Dependent Diabetes) అని పిలుస్తారు. ఇది ఏ వయసులోనైనా కలిగే అవకాశం ఉన్నప్పటికీ, ఎక్కువగా పిల్లల్లో కనిపిస్తుంది. ఈ రకం డయాబెటీస్‌లో ఇన్సులిన్ ఉత్పత్తి పూర్తిగా ఆగిపోతుంది. T1DM ఉన్న డయాబెటిక్ రోగులు వారి రక్తంలో చక్కెర స్థాయిలను నియంత్రించడానికి బాహ్య మూలాల నుండి వచ్చే ఇన్సులిన్‌పై ఆధారపడతారు.

 2. టైపు 2 డయాబెటీస్

ఇది మధ్య వయస్సు వారిలో ఎక్కువగా కనిపిస్తుంది. ఇది వంశపారంపర్యంగా వచ్చే అవకాశం ఉంది. టైపు 2 డయాబెటీస్‌లో ఇన్సులిన్ ఉత్పత్తి జరుగుతున్నా, దాని ప్రభావం కణాల మీద ఉండదు. మొదట నోటితో తీసుకునే హోమియోపతీ మందులతో నియంత్రించవచ్చును, 

 3. గర్భకాల డయాబెటీస్ (Gestational Diabetes)

గర్భిణీ స్త్రీలలో గర్భధారణ సమయంలో ఈ రకం డయాబెటీస్ కనిపించవచ్చు. ప్రసవం తర్వాత ఇది తగ్గవచ్చును, కానీ కొంతమందిలో టైపు 2 డయాబెటీస్‌గా మారే అవకాశం ఉంటుంది.

డయాబెటిస్ ఇన్సిపిడస్

డయాబెటిస్ ఇన్సిపిడస్ అనేది అరుదైన వంశపారంపర్య రుగ్మత. ఈ వ్యాధి కలిగి ఉన్నవారు అధిక మూత్రాన్ని ఉత్పత్తి చేస్తారు.ఈ వ్యాధి ఉన్నవారికి, పాలీయూరియా (తరచుగా మూత్రవిసర్జన) మరియు పాలీడిప్సియాను (విపరీతమైన దాహం) కలిగి ఉంటారు. యాంటీడియురేటిక్ హార్మోన్ (ADH) ఉత్పత్తిలో లోపం మూలకారణం, ఇది పెద్ద మొత్తంలో పలుచన మూత్రం విసర్జించబడుతుంది. చికిత్సలో తరచుగా ADH భర్తీ లేదా అసలు సమస్యకు చికిత్స ఉంటుంది.డయాబెటిస్ ఇన్సిపిడస్ ఉన్నవారు తరచుగా రోజూ 15 నుండి 19 లీటర్ల కంటే ఎక్కువ మూత్ర విసర్జన చేస్తారు. దీనికి విరుద్ధంగా, ఆరోగ్యకరమైన వ్యక్తులు సాధారణంగా రోజుకు 2 మరియు 3 లీటర్ల మధ్య మూత్ర విసర్జన చేస్తారు.

శరీరంలో షుగర్ లెవల్స్ ఎంత ఉండాలి?

రోజు మనం తీసుకునే ఆహారం మనకు శక్తికి ప్రధాన వనరు అయిన గ్లూకోజ్‌ని అందిస్తాయి. అయితే శరీరంలో ఉండే షుగర్‌ లెవల్స్‌ ఎప్పుడైతే ఉండాల్సిన దాని కంటే ఎక్కువగా ఉంటాయో వారు డయాబెటిస్‌ని కలిగి ఉన్నారని చెబుతారు. ఈ చక్కెర స్దాయిలను నిర్ధారించడానికి ఫాస్టింగ్ ప్లాస్మా గ్లూకోజ్ పరీక్ష  చేస్తారు. అంటే, ఉదయం పరగడపున బ్లడ్ గ్లూకోస్ లెవెల్స్ 99 mg/dl లోపు ఉండాలి. అయితే ఈ స్థాయి 100-125 mg/dl చేరితే ప్రీ డయాబెటిస్ అని, 126 mg/dl పైన ఉంటే మధుమేహం (డయాబెటిస్‌) ఉన్నట్లుగా నిర్దారిస్తారు.

HbA1C లేదా గ్లైకేటెడ్ హిమోగ్లోబిన్ అని కూడా పిలువబడే ఈ పరీక్ష ద్వారా కూడా డయాబెటిక్‌ స్థాయిల గురించి తెలుసుకోవచ్చు. సాధారణంగా HbA1C స్థాయిలు 5.7% లోపు ఉండాలి. అదే HbA1C స్థాయిలు 5.7% నుంచి 6.4% మధ్య ఉంటే దానిని ప్రీ డయాబెటిస్ అనవచ్చు. అదే 6.5% లేదా అంతకంటే ఎక్కువ స్థాయిలు ఉంటే ఇప్పటికే వారు డయాబెటిస్ ను కలిగి ఉన్నారని అర్థము.

డయాబెటిస్ యొక్క కారణాలు

• శరీరం గ్లూకోస్ ను గ్రహించే స్థాయిని కోల్పోవడమే డయాబెటిస్ కు ముఖ్య కారణం.
• అధిక క్యాలరీలతో కూడిన ఆహారాన్ని తీసుకోవడం
• పనిలో ఒత్తిడికి గురవ్వడం మరియు శారీరక వ్యాయామం లేకపోవడం
• అధిక పని గంటలు, వివిధ షిఫ్టులలో పని చేయడం
• అధికంగా పొగ తాగడం, మద్యపానం సేవించడం
• అధిక బరువు మరియు ఊబకాయం తో బాధపడే వారిలోనూ మరియు విటమిన్-డి లోపం వల్ల కూడా ఈ డయాబెటిస్ సమస్య వస్తుంది

మధుమేహం లక్షణాలు:

మధుమేహం ఉన్న వ్యక్తులకు కింది లక్షణాలు కనిపించవచ్చు:

• అధిక మూత్ర విసర్జన.
• ఎక్కువ ఆకలి వేయడం.
•  దాహం ఎక్కువగా ఉండటం.
•  హఠాత్తుగా బరువు తగ్గడం.
•  అలసట, అరికాళ్లలో తిమ్మిరులు మరియు మంటలు.
•  గాయాలు తొందరగా మానకపోవడం.
•  నీరసం, నిస్సత్తువ.
• ఏ పనీ చేయకపోయినా నీరసంగా (అలసిపోయినట్లు) ఉండడం.
• కంటిచూపు మందగించడం.

కొన్ని సందర్భాల్లో ఎటువంటి లక్షణాలు కనిపించకపోయినా, సాధారణ పరీక్షల ద్వారా డయాబెటీస్ బయటపడవచ్చు.

డయాబెటిస్ యొక్క సమస్యలు

నిర్వహించని లేదా సరిగా నిర్వహించని షుగర్ వ్యాధి యొక్క పరిణామాలు విభిన్నంగా ఉంటాయి మరియు శరీరంలోని అనేక భాగాలను ఏకకాలంలో ప్రభావితం చేసే అనేక సమస్యల అభివృద్ధికి దారితీయవచ్చు.

• కార్డియోవాస్కులర్ వ్యాధులు
• డయాబెటిక్ నెఫ్రోపతీ (మూత్రపిండానికి హాని)
• డయాబెటిక్ రెటినోపతి (కంటికి హాని)
• డయాబెటిక్ న్యూరోపతి (నరాలకుహాని)
• డిప్రెషన్
• పెరిఫెరల్ ఆర్టరీ డిసీజ్
• అల్జీమర్స్ వ్యాధి
• చర్మ సమస్యలు
• పాదాల సమస్యలు
• దృష్టి లోపం

 మధుమేహానికి జాగ్రత్తలు

• వంశపారంపర్య ప్రభావం: తల్లిదండ్రులలో ఎవరైనా డయాబెటీస్ ఉన్నట్లయితే, పిల్లలకు వచ్చే అవకాశం 35%-60% వరకు ఉంటుంది.
• శారీరక శ్రమ: కూర్చొని పనిచేసే జీవనశైలిలో ఉండేవారికి డయాబెటీస్ వచ్చే అవకాశం ఎక్కువ.
• ఆహార నియంత్రణ: ఆహారపు అలవాట్లు మార్చడం, వ్యాయామం చేయడం ద్వారా డయాబెటీస్‌ను నియంత్రించవచ్చు.
• నియమిత పరీక్షలు: మధ్య వయస్సు చేరిన వారందరూ ప్రతి మూడు నెలలకు ఒకసారి రక్తపరీక్ష చేయించుకోవాలి.
• పాదాల సంరక్షణ: పాదాలను గాయాలు తగలకుండా జాగ్రత్తగా చూసుకోవాలి.

డయాబెటిస్‌ను ఎలా నివారించాలి

1. ఆహారపు అలవాట్లు

•  తినే ఆహారాన్ని తగ్గించుకోవాలి.
•  పీచుపదార్థాలు అధికంగా ఉండే ఆహారం తీసుకోవాలి.
•  ఆకుకూరలు, కాయకూరలు ఎక్కువగా తినాలి.
•  తీపి పదార్థాలను తగ్గించాలి.
•  నీరు ఎక్కువగా త్రాగాలి.

2. వ్యాయామం

•  ప్రతిరోజూ వ్యాయామం చేయడం తప్పనిసరి.
•  నడక లేదా శరీరానికి అలసట కలిగించని ఆటలు ఆడడం మంచిది.
•  వ్యాయామంలో క్రమం పాటించడం చాలా అవసరం.

ముగింపు

మధుమేహం ఒక జీవితకాల వ్యాధి అయినప్పటికీ, సరైన ఆహారం, వ్యాయామం, మరియు జీవితశైలిలో మార్పులతో దీన్ని నియంత్రించవచ్చు. ముందస్తు జాగ్రత్తలు తీసుకోవడం ద్వారా మన ఆరోగ్యాన్ని కాపాడుకోవచ్చు. మధుమేహం వచ్చిన వారికి ఇది ఒక జీవనశైలి వ్యాధిగా మారుతుంది, కాబట్టి దీన్ని నియంత్రించడం మన చేతుల్లోనే ఉంది.

మధుమేహం కు సంబంధించిన ఏదైనా చికిత్స ప్రారంభించే ముందు మీ వైద్యుడిని సంప్రదించడం తప్పనిసరి.

యూనికేర్ హోమియోపతిలో డయాబెటిస్ చికిత్స:

హెూమియోపతి దృక్పథం ఏదైతే వ్యాధికి కారణమవుతుందో అదే చికిత్సకు ఉపయోగపడుతుందనే ప్రకృతి సహజ సిద్ధాంతంపై హెూమియోపతి వైద్యవిధానం ఆధారపడి ఉంది. హెూమియో వైద్యవిధానంలో ప్రతి ఔషధం మానసిక లక్షణాలతో ముడిపడి ఉంటుంది. మందుల ఎంపికలో కూడా మానసిక - శారీరక తత్వాన్ని ఆధారంగా చేసుకుని మందులను సూచిస్తాము. అయితే చికిత్సా ఫలితాలు ఆహార, వ్యవహార, ఔషధాల సమిష్టి ప్రయోగాన్ని బట్టి, వ్యాధి ఉధృతిని బట్టి ఉంటాయి. హోమియోపతి నివారణలు మధుమేహం యొక్క సంపూర్ణ నిర్వహణకు సహాయపడతాయి, ఎందుకంటే అవి లక్షణాలను మాత్రమే కాకుండా ఆ లక్షణాలను కలిగించే శరీరంలోని ప్రాథమిక సమస్యలను కూడా ప్రయత్నిస్తాయి. వ్యక్తిగతీకరించిన హోమియోపతి మందులు లక్షణాలు మరియు వ్యక్తి యొక్క మొత్తం ఆరోగ్య పరిస్థితిపై ఆధారపడి ఉంటాయి.  యూనికేర్ హోమియోపతి  సంపూర్ణ మధుమేహం నిర్వహణలో ఉత్తమ పరిష్కారాలలో ఒకటి అని సూచిస్తుంది.అలాగే వ్యాధి నిరోధక శక్తిని పెంపొందించటం వంటి చర్యలకు హోమియో వైద్యంతో సమర్ధంగా నిర్వర్తించడం సాధ్యమవుతుంది.

DR.ASHRAF MADINA (B.H.M.S),
 UNICARE HOMEOPATHY HOSPITALS
ANDHRA PRADESH & TELANGANA,
PH : 9059051906 , 9059052906
www.unicarehomeopathy.com